Protekal кувар

Со почеток на диетата пациентите често поставуваат прашања во врска со новиот режим на исхрана и идеите на подготвувањето. Од таа причина подготвивме неколку совети и рецепти, за кои дознавме од нашите пациенти и тие можат да им послужат на идните пациенти како олеснување во комбинации на различни Protekal продукти со дозволените зеленчуци во дијетата.

За подготвувањето на ручек и вечера се комбинират зеленчуци од групата А и групата Б со Protekal производите. Доколку со подготвувањето на оброкот не го искористите сиот потребен зеленчук за тој оброк, остатокот подгответе го како салата или прилог. Комбинирајќи ги Protekal производите, зеленчук и сушени зачински растенија можете сами да креирате нови рецепти.

супи - чорби
Можат да се подготвуваат со Protekal супите.

Чорба од карфиол. Во 200 мл вода да се свари 50г карфиол или брокула, а потоа кога малку ќе се излади треба да се измеша со Protekal супа од зеленчук. Според вкусот може да се додаде малку лук во прав.
Чорба од тиквички. Во 200 мл вода да се свари 50г исецкани или изрендани тиквички, а потоа кога малку ќе се излади треба да се измеша со Protekal супа од зеленчук.
Чорба од боранија. Во 200 мл вода да се свари 50г боранија, а потоа кога малку ќе се излади треба да се измеша со Protekal супа од зеленчук. Според вкусот може да се додаде малку лук во прав.
Чорба од спанаќ. Во 200 мл вода да се свари 50г спанаќ, а потоа кога малку ќе се излади треба да се измеша со Protekal супа од зеленчук. Според вкусот може да се додаде малку лук во прав.
Чорба од зеленчук. Во 400 мл вода се вари сушен кромид, 50г пиперка и 50г домат. Како зачин користете сушен магданос, црн пипер и сол.

mushroomsoup tomatosoup

главни јадења
Се подготвуват со Protekal оброци.

Летна манџа со Protekal омлет. Сушен кромид се динста на малку маслиново масло и вода и се додава по малку за време на готвењето. Се додава ситно сецкана зелена пиперка и се динста. Потоа се додава до 50г сецкан домат и зачини (сол, црн пипер и малку црвен пипер). Според вкусот може да се додаде малку свеж лут пипер. Се динста уште малку. Се додава Protekal омлетот, се меша и уште малку пропржува.
Мусака од зеље. 250-300г зеље или блитва да се свари. Половина од свареното се слага во плех. Се динста доста кромид и 50г исецкани шампињони на малку маслиново масло, зачинето со сол, црн пипер и лук во прав. Смесата да се премачка преку зељето, а потоа се реди другата половина зеље одозгора. Се тоа се прелива со разматениот Protekal омлет и се става да се запече во рерна.
Рестован компир. Се динста сушен кромид на вода со малку маслиново масло. Се додава црвен пипер. Се меша со матен Protekal компир пире.
Полнети пиперки. Се динста поголема количина сушен кромид на маслиновото масло, се додават ситно сецкани шампињони и зачини. Се полнат зелените пиперки и се затварат исто така со пиперка. Да се запече во рерна.
Протеински солен бисквит или погачица. Да се подготви Protekal леб со малку поголемо количество вода. Се додава сол и сушени зачини според вкусот (кромид, лук, оригано..). Се пече во поголем плех и се крши. Доколку сакаме да добиеме погачици, треба да имаме плех со мали округли отвори. Во нив ставаме корпички за колачи. Смесата треба внимателно да се става и потоа се пече.
Протеински солени стапчиња. Во шејкерот се става вода - 40мл и во неа се растворува 1-2 лажици „Dijon“ сенф и малку сол. Кога е сенфот растворен, се додава содржината од кесичка Protekal леб и се меша. На претходно обложен плех со хартија за печење смесата се обликува во тенки стапчиња долги околу 10цм. Преку се посипува малку сол и се пече. Ваквите стапчиња можат да се прават и со додаток на оригано или малку кромид и магданос.
Protekal PIZZA. Се подготвува тесто за Protekal леб и се става во мал округол плех. Се динстаат 50г домати на малку маслиново масло во кое се става малку лук во прав и босилок. Кога малку ќе се излади се премачкува преку тестото, и се редат сецкани шампињони - 150г и се посипува оригано. Се пече.
Ролат од шампињони со кари. Во шејкер се стават 40мл вода и кесичка Protekal леб. Се меша и разлива во претходно подмачкан пластичен, правоаголен, плиток сад. Се става во микроталасна рерна и се пече 1 минут. Во тава се динста 50г сецкани печурки со лук во прав и магданос. Кога ќе се зацрвени се додава домат сецкан на коцкички и се додава кари зачин. Се динста уште малку, па смесата се мачка на испечен леб и се витка во ролат.
Пудинг од зеленчук. Во тава се става малку маслиново масло, се додават ситно сечкани шампињони, спанаќ, зелена пиперка по 50г, лук во прав, сушен кромид. Се става вода и се вари се додека водата не изврие. Се подготвува смесата за Protekal омлет со сланина и се меша со зеленчук. Се става во подлабок сад, а потоа во микроталасна печка, се додека омлетот не се испече.
Мафини од пиперки, спанаќ и брокула. Во шејкерот се меша Protekal омлет и се додават зачини: магданос, оригано, лук... Во 3 силиконски модли за мафини се става малку спанаќ, брокула и пиперки кои претходно неколку минути биле во микроталасна. Омлетот се налива преку зеленчукот и се пече во микроталасна уште 2-3 минути.
Спанаќ со компир пире. 200г спанаќ или блитва се вари а потоа ситно сечка. Се зачинува според вкус - сол, црн пипер, лук во прав, мајчина душичка. На тефлон се пропржуват 100г шампињони сецкани на ливчиња, се преливат со пола лажица маслиново масло и се мешаат со спанаќот. Се мати Protekal компир пире според упатството и се додава во малку изладената смеса од спанаќ и шампињони.
Омлет со тиквички и пиперки. - На тефлонот со малку маслиново масло се прoпржуваат 50г изрендани тиквички и 100г зелени пиперки. Во тоа се додава Protekal омлет. Се сервира со марула.
Омлет со спанаќ, пиперки и шампињони. 150 г спанаќ се сецка ситно и се вари. 50г зелени пиперки се сецкаат на најситни коцкици и се пропржуваат на тефлон без масло. 100г шампињони се сецкаат на ливчиња и пропржуваат на наколку капки маслиново масло. Се се меша и според вкусот се ставаат зачини: лук, сол, црн пипер, мајчина душичка. Се става во тава и кога добро ќе се загрее, се додава подготвената смеса Protekal омлет. Се пржи додека омлетот не биде готов.
Protekalлеб со спанаќ. Се обарува 50г спанаќ и многу ситно се сецка. Се цеди и додава во смесата за Protekal леб и пече според упатството 20 мин. Се подготвуваат 250г гриловани зелени пиперки, зачинети со неколку капки маслиново масло, малку оцет, лук и магданос и се јаде со протеинскиот леб.
Пилешки крокети со спанаќ. Се обарува 50г спанаќ и многу ситно се сецка. Се цеди и додава во смесата за Protekal пилешки крокети и се пече според упатството 15 мин. Се подготвува салата од 150г краставици и 100г свежи зелени пиперки. Салатата да се зачини според вкусот и се јаде испечени пилешки крокети.
Омлет со спанаќ и пиперки. Во загреан тефлон се стават неколку капки маслиново масло и се става подготвената смеса за Protekal омлет и се пече да заличи на палачинка. 200г зелена пиперка се грилува или вари и се вари и ситно сецка 100г спанаќ. И едното и другото се зачинува според вкусот и се реди на испечениот омлет.
Чорба со кнедли. Од дозволеното количество на карфиол и брокула се вари чорба. На самиот крај на варењето се додава смеса за Protekal пилешки крокети во вид на кнедли и уште малку се вари.

pizzabig

Muffins

десерти

Чоколадни бисквити. Во шејкерот се става 80-90 мл вода и во неа се растворуваат 2 таблети аспартамски засладувач. Се додава кесичка Protekal какао напиток и се меша. Кога ќе се раствори се додава кесичка Protekal леб и добро се меша. Смесата треба да биде густа. Се подмачкува или корпичките се ставаат во модлата за мафини ( 4 парчиња). Уматената смеса се става во калапи и се пече во претходно загреана рерна на 200 степени, 20 мин. Напомена: За еден оброк смеете да изедете само 2 мафина, зошто се направени од 2 кесички.